Агульная інфармацыя аб знешнім гандлі: напрамкі, задачы, вынікі за актуальны перыяд

Рэспубліка Беларусь праводзіць шматвектарную знешнеэканамічную палітыку і актыўна ўдзельнічае ў міжнародных інтэграцыйных працэсах. 

Беларусь з'яўляецца экспартаарыентаванай дзяржавай з развітой прамысловасцю і сельскай гаспадаркай.

У 2025 годзе знешнегандлёвы абарот Рэспублікі Беларусь дасягнуў 90 млрд долараў ЗША, што на 4,3 % больш, чым у 2024 годзе. Экспарт тавараў склаў 41,4 млрд долараў і павялічыўся на 2,6 % адносна папярэдняга года. 

Таварная структура экспарту ўключае больш за 1 100 пазіцый на ўзроўні чатырох знакаў ТН ЗЭД ЕАЭС. Асноўныя экспартныя пазіцыі: прадукцыя харчовай прамысловасці, машынабудавання, нафтахіміі і металургіі.

У 2025 годзе беларуская прадукцыя экспартавана на рынкі 151 краіны. 

Асноўнымі гандлёвымі партнёрамі Беларусі з'яўляюцца Расія, іншыя краіны ЕАЭС і СНД, Кітай, ААЭ, Турцыя, Індыя. Пашыраецца прысутнасць беларускіх экспарцёраў на рынках краін Азіі, Афрыкі, Блізкага Усходу, Лацінскай Амерыкі. Сумесна з партнёрамі па ЕАЭС ажыццяўляецца работа па пашырэнні доступу на рынкі краін «далёкай дугі» шляхам заключэння пагадненняў аб свабодным гандлі. 

Аснову імпарту складае прадукцыя машынабудавання, нафтахіміі, харчовай прамысловасці і металургіі. 

У 2025 годзе Беларусь экспартавала паслуг на 11,7 млрд долараў, што на 16 % больш за ўзровень 2024 года.