Міжнародная канферэнцыя высокага ўзроўню «Еўразійская бяспека: рэальнасць і перспектывы ў свеце, які трансфармуецца»

26-27 кастрычніка 2023 г. у г.Мінску адбылася міжнародная канферэнцыя высокага ўзроўню «Еўразійская бяспека: рэальнасць і перспектывы ў свеце, які трансфармуецца».

Мэтай канферэнцыі была адкрытая і інклюзіўная дыскусія аб перспектывах еўразійскай бяспекі ва ўмовах крызісу існуючага светапарадку, хранічных ваенна-палітычных супярэчнасцей паміж ключавымі ігракамі і практычна поўнай адсутнасці камунікацый паміж імі.

Падчас мерапрыемства былі абмеркаваны некалькі канкрэтных тэм, у тым ліку:

• Глабальныя і рэгіянальныя геапалітычныя перадумовы еўразійскай бяспекі;

• Эканамічная інтэграцыя і спалучэнне на карысць адзінай архітэктуры еўразійскай бяспекі;

• Узаемадзеянне міжнародных/рэгіянальных арганізацый на еўразійскай прасторы;

• Стратэгічная стабільнасць і ядзерная зброя: пагрозы і магчымасці для Еўразіі ў новых умовах.

У канферэнцыі высокага ўзроўню прынялі ўдзел дзяржавы-члены АДКБ, СНД, ШАС, іншых краін рэгіёну АБСЕ і Еўразіі, кіраўнікі шэрага міжнародных арганізацый, прадстаўнікі акадэмічнай і экспертнай супольнасцей каля 30 краін.

Карысная інфармацыя аб канферэнцыі:

• Акрэдытацыя журналістаў беларускіх СМІ;

• хэштэг канферэнцыі: #securityBYeurasia.