Беларусь і Грузія

Дыпламатычныя адносіны паміж Рэспублікай Беларусь і Грузіяй усталяваны 6 студзеня 1994 г. У абедзвюх краінах адкрыты дыпламатычныя прадстаўніцтвы.

У 2015 і 2018 гадах адбыліся афіцыйныя візіты Прэзідэнта Рэспублікі Беларусь у Грузію. У 2017 годзе арганізаваны афіцыйны візіт Прэзідэнта Грузіі ў Рэспубліку Беларусь.

У снежні 2016 г. Грузію з афіцыйным візітам наведаў Мiнiстр замежных спраў Беларусі.

У 2016-2017 гадах адбыліся візіты ў Беларусь Прэм'ер-міністра, Старшыні Парламента, Міністра замежных спраў Грузіі.

15-18 лістапада 2017 г. у Грузіі прайшлі першыя ў гісторыі двухбаковых адносін Дні культуры Рэспублікі Беларусь. 1-2 верасня 2018 г. у Мінску праведзены Дні культуры Грузіі.

Дагаворна-прававая база супрацоўніцтва з Грузіяй складаецца з 42 дакументаў, у тым ліку 4 міждзяржаўнага ўзроўню, 14 міжурадавых і 24 міжведамасных пагадненняў.

Гандлёва-эканамічнае супрацоўніцтва паміж Беларуссю і Грузіяй захоўвае канструктыўны і ўзаемавыгадны характар, ахопліваючы шырокі спектр напрамкаў двухбаковага ўзаемадзеяння.

Важным механізмам каардынацыі сумеснай работы з'яўляецца Міжурадавая Беларуска-Грузінская камісія па эканамічным супрацоўніцтве. 17 сакавіка 2026 г. у Тбілісі адбылося 7-е пасяджэнне камісіі, падчас якога бакі разгледзелі пытанні нарошчвання ўзаемнага гандлю, развіцця прамысловай кааперацыі, а таксама супрацоўніцтва ў сферах транспарту, сельскай гаспадаркі, адукацыі, аховы здароўя, грамадзянскай авіяцыі і турызму.

У Грузіі сфарміравана практычная аснова для прасоўвання, рэалізацыі і сэрвіснага суправаджэння беларускай прадукцыі. У краіне дзейнічае цэнтр продажу і сэрвіснага абслугоўвання беларускай тэхнікі ААТ «МТЗ», ААТ «БЗТДіА», а таксама ААТ «Гомсельмаш».

Беларуская харчовая прадукцыя прадстаўлена ў спецыяльных крамах беларускіх прадуктаў харчавання «Беларускі Дом», «Белмарт» і «Bulbaland» у гарадах Тбілісі, Батумі, Зугдзідзі, Поці, Кутаісі, Горы, Тэлаві і Руставі, а таксама ў крамах грузінскіх гандлёвых сетак.

Акрамя таго, у Тбілісі функцыянуюць фірмовыя крамы ЗАТ «Пінскдрэў», СТАА «Марк Фармэль» і ЗАТ «Мілавіца». У Батумі адкрыты крамы СТАА «Марк Фармэль» і ААТ «Чырвоны харчавік».

Вярнуцца да асноўнага артыкула.