Беларусь і Арменія

Дыпламатычныя адносіны паміж Рэспублікай Беларусь і Рэспублікай Арменія ўсталяваны 11 чэрвеня 1993 г. У 2023 годзе праведзены шэраг сумесных мерапрыемстваў, прымеркаваных да 30-годдзя ўсталявання дыпламатычных адносін. Паміж краінамі падпісана больш за 80 пагадненняў у розных сферах супрацоўніцтва.

На рэгулярнай аснове ажыццяўляецца абмен візітамі на найвышэйшым і высокім узроўнях, праводзяцца сустрэчы прэзідэнтаў, прэм'ер-міністраў, кіраўнікоў знешнепалітычных ведамстваў Беларусі і Арменіі, у тым ліку у рамках ЕАЭС і СНД.

У лістападзе 2022 г. Прэзідэнт Рэспублікі Беларусь А.Лукашэнка наведаў Арменію для ўдзелу ў сесіі Савета калектыўнай бяспекі АДКБ, дзе прадставіў прыярытэтныя напрамкі старшынства нашай краіны ў АДКБ у 2023 годзе.

У кастрычніку 2022 г. Прэм'ер-міністр Рэспублікі Беларусь Р.Галаўчанка сустрэўся з Прэм'ер-міністрам Рэспублікі Арменія М.Пашынянам. Абмеркаваны актуальныя пытанні двухбаковага супрацоўніцтва.

13-е пасяджэнне Міжпарламенцкай камісіі па супрацоўніцтве Нацыянальнага сходу Рэспублікі Беларусь і Нацыянальнага Сходу Рэспублікі Арменія праведзена ў г. Мінску ў чэрвені 2023 г.

Рэспубліка Арменія - важны партнёр Рэспублікі Беларусь на Паўднёвым Каўказе. Умацаванне ўзаемаадносін з гэтай краінай адпавядае доўгатэрміновым знешнепалітычным і знешнеэканамічным прыярытэтам Беларусі.

У Арменіі сфарміравана разгалінаваная тавараправодная сетка беларускіх прадпрыемстваў, уключаючы два ўласныя суб'екты.

16-е пасяджэнне Міжурадавай Беларуска-Армянскай камісіі па гандлёва-эканамічным супрацоўніцтве адбылося ў г.Ерэване ў верасні 2022 г.

Вярнуцца да асноўнага артыкулу