Аб сустрэчы першага намесніка Міністра замежных спраў Беларусі С.Лукашэвіча з намеснікам Генеральнага сакратара ШАС

3 чэрвеня 2026 г. першы намеснік Міністра замежных спраў Рэспублікі Беларусь Сяргей Лукашэвіч сустрэўся з намеснікам Генеральнага сакратара Шанхайскай арганізацыі супрацоўніцтва (ШАС) Ахмадам Саідмурадзода.

Першы намеснік Міністра падзякаваў суразмоўцу за падтрымку беларускай ініцыятывы і асабісты ўдзел у форуме «АграШАС» у рамках Беларускага аграпрамысловага тыдня і Міжнароднай спецыялізаванай выставы «Белагра-2026».

Бакі адзначылі канструктыўны характар узаемадзеяння Беларусі з Сакратарыятам ШАС і іншымі краінамі – членамі арганізацыі па ўсіх існых напрамках супрацоўніцтва. 

Суразмоўцы абмеркавалі меры па рэалізацыі ініцыятыў, агучаных кіраўнікамі дзяржаў – членаў ШАС, а таксама пытанні ўдасканалення дзейнасці арганізацыі і развіцця знешніх кантактаў.

Для даведкі: дэлегацыя Сакратарыята ШАС бярэ ўдзел у мерапрыемствах Беларускага аграпрамысловага тыдня другі раз. У 2026 годзе мінскі форум «АграШАС» прысвечаны перспектывам устойлівай сельскай гаспадаркі, пытанням экспартнай кааперацыі і лагістыкі, а таксама ўмацаванню міжнароднага супрацоўніцтва ў сферы аграрнай адукацыі паміж краінамі ШАС.

версія для друку