Мiжнародная электратэхнiчная камiciя

Міжнародная электратэхнічная камісія (МЭК) з'яўляецца вядучай міжнароднай арганізацыяй па распрацоўцы і публікацыі міжнародных стандартаў (налічваецца каля 7000 стандартаў МЭК), а таксама па ацэнцы і пацверджанню адпаведнасці прадукцыі патрабаванням міжнародных стандартаў для свабоднага перамяшчэння тавараў у галіне электрычных, электронных і звязаных з імі тэхналогій. Арганізацыя функцыянуе з 1906 года. У яе рабоце прымаюць удзел больш за 170 краін, у тым ліку 62 паўнапраўных члена.

Рэспубліка Беларусь, прадстаўленая Дзяржаўным камітэтам па стандартызацыі, з'яўляецца паўнапраўным членам МЭК з 1993 года і прымае ўдзел у працы 92 тэхнічных камітэтаў і падкамітэтаў МЭК.

Удзел Беларусі ў МЭК дазваляе цэнтралізавана ўкараняць патрабаванні арганізацыі ў нацыянальныя стандарты, забяспечваць цесную каардынацыю па нацыянальнай стандартызацыі з працай тэхнічных камітэтаў МЭК, актывізаваць тэхнічную палітыку дзяржавы ў гэтай арганізацыі, а таксама спрыяць прасоўванню прадукцыі беларускіх вытворцаў на міжнародны рынак.

Важнай вяхой супрацоўніцтва паміж Беларуссю і МЭК стала правядзенне ў кастрычніку 2015 г. у г.Мінску пасяджэння кіруючага органа арганізацыі – 79-й Генеральнай асамблеі МЭК. У мерапрыемстве ўзялі ўдзел больш за 1100 дэлегатаў з 86 краін свету (прадстаўнікі розных вытворчых кампаній, навукі, бізнесу, органаў дзяржкіравання). Каля 200 беларускіх экспертаў, якія прадстаўляюць арганізацыі органаў дзяржкіравання і прадпрыемстваў прынялі ўдзел у розных пасяджэннях МЭК, у тым ліку тэхнічных камітэтаў МЭК.

Правядзенне ў Мінску 79-й Генеральнай асамблеі МЭК садзейнічала ўмацаванню іміджу Беларусі, дазволіла беларускім прадпрыемствам і арганізацыям азнаёміцца з работай МЭК і распрацоўванымі ёй стандартамі.

Дзяржаўны камітэт па стандартызацыі Рэспублікі Беларусь з'яўляецца вядучым рэспубліканскім органам па супрацоўніцтве з МЭК.