Аб Першым беларускім вечары і беларускім Купаллі ў Парыжы

07-07-2014

3 ліпеня 2014 г. Пасольствам Беларусі ў Францыі быў арганізаваны Першы беларускі вечар ў Парыжы, прысвечаны Дню Незалежнасці Беларусі.

Выступаючы мерапрыемстве Пасол Беларусі ў Францыі Павел Латушка адзначыў, што Пасольства Беларусі ў Францыі плануе пашыраць магчымасці знаёмства французскай публікі з беларускай культурай і традыцыямі.

У рамках беларускага вечара гучалі беларускія песні і музыка ў выкананні заслужанага калектыву Беларусі “Медуніца” Магілёўскай абласной філармоніі.

Акрамя таго, самадзейны калектыў беларусаў, якія пражываюць ў Парыжы, выканаў беларускія танцы “Кракавяк”, “Талака”, “Таўкачыкі”.

Гасцям вечара былі паказаны фільмы пра гісторыю, культуру і сучаснасць Беларусі: “Адзін дзень з жыцця Беларусі”, “Белавежская пушча”, “Купалінка” і іншыя.

Падчас вечара экспанаваліся карціны беларускага мастака Кастуся Качана, адбылася латарэя беларускіх сувеніраў, быў праведзены майстар-класс пляцення купальскіх вянкоў.

На фоне Эйфелевай вежы ў парыжскую Сену ў адпаведнасці са старажытнымі традыцыямі ўдзельнікі вечарыны апусцілі купальскія вянкі. Госці вечара ўдзельнічалі ў беларускай традыцыі пошукаў папараць-кветкі.