Аб сустрэчы Міністра замежных спраў Беларусі М.Рыжанкова са старшынёй Аманскай гандлёва-прамысловай палаты

3 чэрвеня 2026 г. Міністр замежных спраў Рэспублікі Беларусь Максім Рыжанкоў сустрэўся са старшынёй савета дырэктараў Аманскай гандлёва-прамысловай палаты Фейсалам бен Абдалам бен Саідам аль-Равасам.

Кіраўніцтва гандлёва-прамысловай палаты Амана наведвае Беларусь на чале прадстаўнічай дэлегацыі дзелавых колаў для ўдзелу ў двухбаковым бізнес-форуме, арганізаваным сумесна з Нацыянальным цэнтрам падтрымкі экспарту, і Міжнароднай спецыялізаванай выставе «Белагра-2026».

Бакі абмеркавалі дынаміку ўзаемадзеяння паміж бізнес-супольнасцямі Беларусі і Амана, абмяняліся думкамі наконт перспектыў і напрамкаў далейшага развіцця дзелавога супрацоўніцтва. Надалі асаблівую ўвагу ходу рэалізацыі Плана сумесных дзеянняў Нацыянальнага цэнтра падтрымкі экспарту і Аманскай ГПП на 2026 год, падпісанага ў красавіку сёлета.

Суразмоўцы канстатавалі наяўнасць патэнцыялу далейшага паглыблення гандлёва-эканамічнага супрацоўніцтва і пагадзіліся з неабходнасцю актыўнага выкарыстання існых механізмаў для ўстанаўлення прамых кантактаў паміж прадстаўнікамі бізнесу Беларусі і Амана.