Аб сустрэчы намесніка Міністра замежных спраў Беларусі Ю.Амбразевіча з Паслом Турцыі

16 мая 2024 г. адбылася сустрэча намесніка Міністра замежных спраў Рэспублікі Беларусь Юрыя Амбразевіча з Надзвычайным і Паўнамоцным Паслом Турэцкай Рэспублікі Джэмам Ышыкам.

Суразмоўцы прадметна абмеркавалі бягучы стан беларуска-турэцкага ўзаемадзеяння, у тым ліку ў гандлёва-эканамічнай сферы, перспектывы падтрымання палітычных кантактаў, а таксама правядзенне шэрагу сумесных мерапрыемстваў у бліжэйшай перспектыве.

Падкрэслены стратэгічны характар адносін дзвюх краін, узаемная зацікаўленасць у далейшым умацаванні сувязей Мінска і Анкары па шырокім коле напрамкаў.