Аб сустрэчы Пасла Беларусі Д.Дзеравінскага з намеснікам Міністра замежных спраў Венесуэлы

3 чэрвеня 2026 г. Надзвычайны і Паўнамоцны Пасол Рэспублікі Беларусь у Баліварыянскай Рэспубліцы Венесуэла Дзмітрый Дзеравінскі сустрэўся з намеснікам Міністра замежных спраў Венесуэлы па супрацоўніцтве з краінамі Лацінскай Амерыкі Маўрысіа Радрыгесам Хельфенштэйнам.

Суразмоўцы абмеркавалі шэраг пытанняў двухбаковага парадку дня ў кантэксце лацінаамерыканскай праблематыкі.

Бакі абмяняліся думкамі наконт стану і перспектыў развіцця сітуацыі ў краінах Лацінскай Амерыкі ва ўмовах сучасных глабальных выклікаў і пагроз. Надалі асаблівую ўвагу пытанням рэгіянальнага супрацоўніцтва, перш за ўсё ў палітычнай і эканамічнай сферах.