Аб пасяджэнні Cумеснага Беларуска-М'янманскага камітэта па гандлёва-эканамічным супрацоўніцтве

2 кастрычніка 2025 г. у Мінску пад старшынствам Міністра замежных спраў Рэспублікі Беларусь Максіма Рыжанкова і Міністра інвестыцый і знешнеэканамічных адносін Рэспублікі Саюз М'янма Ва Ва Маун адбылося другое пасяджэнне сумеснага Беларуска-М'янманскага камітэта па гандлёва-эканамічным супрацоўніцтве. 

Бакі абмеркавалі ход рэалізацыі дамоўленасцей, дасягнутых на найвышэйшым узроўні, вызначылі прыярытэтныя напрамкі і шляхі далейшага паглыблення супрацоўніцтва, у тым ліку ў галінах машынабудавання, сельскай гаспадаркі, аховы здароўя, навукі і тэхналогій, адукацыі, культуры, турызму. 

Адзначана важнасць пашырэння дагаворна-прававой базы супрацоўніцтва з акцэнтам на гандлёва-эканамічную сферу. Намечаны графік сумесных мерапрыемстваў на найбліжэйшую перспектыву. 

Па выніках перамоў сустаршынямі прыняты пратакол пасяджэння сумеснага Беларуска-М'янманскага Камітэта па гандлёва-эканамічным супрацоўніцтве.