Аб сустрэчы Міністра замежных спраў Беларусі М.Рыжанкова з Саветнікам Сапрэзідэнтаў і Міністрам замежных спраў Нікарагуа

26 чэрвеня 2025 г. адбылася сустрэча Міністра замежных спраў Рэспублікі Беларусь Максіма Рыжанкова з Саветнікам Сапрэзідэнтаў Рэспублікі Нікарагуа па пытаннях інвестыцый, гандлю і міжнароднага супрацоўніцтва Лаўрэана Артэгай Мурыльё і Міністрам замежных спраў Рэспублікі Нікарагуа Вальдраком Джэнтске.

Падчас перамоў абмеркаваны шырокі спектр актуальных пытанняў двухбаковага супрацоўніцтва ў палітычнай, гандлёва-эканамічнай, культурнай і адукацыйнай сферах. 

Праведзены аналіз дасягнутых раней дамоўленасцей, у тым ліку адносна паставак у Нікарагуа беларускай тэхнікі і медыцынскіх прэпаратаў. Бакі дамовіліся пашыраць узаемавыгаднае супрацоўніцтва ў галіне транспарту, прамысловасці, сельскай гаспадаркі і фармацэўтыкі. Вызначаны крокі на бліжэйшую перспектыву па рэалізацыі сумесных праектаў. 

Пацверджана гатоўнасць да працягу канструктыўнага міждзяржаўнага дыялогу і далейшага ўмацавання ўзаемнай падтрымкі на міжнароднай арэне.

Нікарагуанская дэлегацыя падзякавала беларускаму боку за запрашэнне прыняць удзел у Еўразійскім эканамічным форуме і выказала гатоўнасць да больш актыўнага ўключэння ў работу Еўразійскага эканамічнага саюза.