Аб удзеле Міністра замежных спраў Беларусі М.Рыжанкова ў агульнарэспубліканскай дабрачыннай акцыі «Ад усёй душы»

14 студзеня 2026 г.

14 студзеня 2026 г. у рамках сумеснай дабрачыннай акцыі Міністэрства замежных спраў Рэспублікі Беларусь і акрэдытаванага ў Рэспубліцы Беларусь дыпламатычнага корпуса Міністр замежных спраў Максім Рыжанкоў разам з жонкай наведаў дзяржаўную ўстанову «Мінскі гарадскі сацыяльны пансіянат "Гармонія"».

Дабрачынная акцыя для Мінскага гарадскога сацыяльнага пансіяната «Гармонія» арганізуецца МЗС шосты раз і з'яўляецца працягам ініцыятывы Прэзідэнта Рэспублікі Беларусь па правядзенні ў нашай краіне агульнарэспубліканскай дабрачыннай акцыі для пажылых грамадзян «Ад усёй душы».

У акцыі прынялі ўдзел дыпмісіі Азербайджана, Ватыкана, Вялікабрытаніі, Венесуэлы, В'етнама, Германіі, Грузіі, Італіі, Казахстана, Катара, Кітая, Кыргызстана, Мальтыйскага ордэна, Пакістана, Палестыны, Польшчы, Расіі, Сербіі, Сірыі, Славакіі, Таджыкістана, Туркменістана, Чэхіі, Швейцарыі, Гандлёвае прадстаўніцтва Расійскай Федэрацыі, прадстаўніцтвы ПРААН і УВКБ ААН, Выканаўчы камітэт СНД, Суд ЕАЭС.

Да ініцыятывы таксама далучыліся ганаровыя консулы: Павел Тапузідзіс (Грэцыя), Аляксандр Зайцаў (Замбія), Андрэй Часнакоў (Іспанія), Жыварад Смількавіч (Сербія), Іван Чура (Тайланд), Віктар Шаўцоў (Філіпіны), Андрэй Балабін (Чылі), прадстаўнікі беларускіх і замежных сродкаў масавай інфармацыі (НДТРК, АНТ, СТБ, МТРК «Мір», БелРос, БелТА, «СБ. Беларусь сёння», Беларускае радыё, УДТРК, НТБ, МІА «Расія сёння», РІА Навіны, ТАСС і інш.), Нацыянальны прэс-цэнтр, ААТ «БелАЗ» і іншыя партнёры.

Усяго ў ініцыятыве прынялі ўдзел 24 пасольствы, 1 гандлёвае прадстаўніцтва, 4 прадстаўніцтвы міжнародных арганізацый, 7 ганаровых консулаў і 18 СМІ. Было сабрана каля 200 каробак і пакетаў рознага фармату і памеру.

Падчас візіту Міністр замежных спраў пагутарыў з пастаяльцамі пансіяната, а таксама азнаёміўся з арганізацыяй іх паўсядзённага жыцця.

Выступаючы перад удзельнікамі мерапрыемства, Максім Рыжанкоў адзначыў: «Гэта вельмі важная акцыя «Ад усёй душы», якая была запушчана Прэзідэнтам нашай дзяржавы. Мы кожны год прыязджаем сюды з нашай вялікай душой, душой беларуса, разам з нашымі сябрамі і партнёрамі з іншых краін, каб жыхары інтэрната адчувалі сябе па-сапраўднаму як дома і адчувалі клопат і ўвагу. Гэта наглядны прыклад саборнасці беларускага народа, калі мы імкнёмся дапамагаць усім, хто мае патрэбу ў падтрымцы».