Аб наведванні Міністрам замежных спраў Беларусі М.Рыжанковым Беларускай гандлёва-прамысловай палаты

31 студзеня 2025 г. адбылася сустрэча Міністра замежных спраў Беларусі Максіма Рыжанкова са старшынёй Беларускай гандлёва-прамысловай палаты Міхаілам Мятлікавым і кіраўніцтвам абласных аддзяленняў Палаты.

Бакі абмеркавалі асноўныя напрамкі і формы супрацоўніцтва па развіцці знешнеэканамічнай дзейнасці беларускіх арганізацый, акцэнтавалі ўвагу на практычных кроках па ўмацаванні прадстаўленасці беларускіх экспарцёраў на знешніх рынках.

У рамках сустрэчы адбылося падпісанне плана сумесных дзеянняў Міністэрства замежных спраў Рэспублікі Беларусь і Беларускай гандлёва-прамысловай палаты на знешнеэканамічным напрамку ў 2025 годзе.

МЗС і БелГПП плануюць сумесна арганізоўваць візіты беларускіх дзелавых колаў за мяжу, удзельнічаць у рабоце міжурадавых камісій па гандлёва-эканамічным супрацоўніцтве, развіваць інстытут прадстаўнікоў БелГПП за мяжой, узмацняць узаемадзеянне па пытаннях выставачна-кірмашовай дзейнасці, інфармацыйна-маркетынгавым і арганізацыйным забеспячэнні знешнеэканамічнай сферы.

Каментуючы падпісанне плана, Максім Рыжанкоў падкрэсліў, што дакумент дазволіць і далей сістэмна падыходзіць да пытанняў прасоўвання беларускага экспарту, у першую чаргу, на рынкі краін «далёкай дугі».

версія для друку