Аб удзеле Міністра замежных спраў Беларусі М.Рыжанкова ў пасяджэнні Савета міністраў замежных спраў СНД

9 кастрычніка 2025 г. Міністр замежных спраў Рэспублікі Беларусь Максім Рыжанкоў прыняў удзел у чарговым пасяджэнні Савета міністраў замежных спраў Садружнасці Незалежных Дзяржаў, якое адбылося ў г.Душанбэ (Таджыкістан). 

Кіраўнікі знешнепалітычных ведамстваў правялі змястоўны абмен думкамі наконт актуальных пытанняў міжнароднага парадку дня і ўзаемадзеяння ў фармаце СНД. 

У сваім выступленні М.Рыжанкоў адзначыў неабходнасць шырока інфармаваць пра дасягненні Садружнасці і яго здольнасці да сумеснага процідзеяння сучасным выклікам і пагрозам. 

Заклікаў да далейшага правядзення скаардынаванай палітыкі для прасоўвання агульных інтарэсаў як на рэгіянальным узроўні, так і на міжнародных пляцоўках. 

Як пазітыўны прыклад рэалізацыі такога падыходу падкрэсліў прыняцце з ініцыятывы Беларусі заявы кіраўнікоў дзяржаў СНД з нагоды 40-й гадавіны аварыі на Чарнобыльскай АЭС. 

Вітаў адабрэнне Саветам міністраў замежных спраў праекта рашэння Савета кіраўнікоў дзяржаў аб атрыманні Шанхайскай арганізацыяй супрацоўніцтва статусу назіральніка пры СНД. 

Адзначыў, што Беларусь разлічвае на падпісанне хуткім часам чарговай дарожнай карты супрацоўніцтва паміж Выканкамам СНД і Еўразійскай эканамічнай камісіяй. Дабаўленую вартасць чакаем ад стварэння фармату «СНД+». 

М.Рыжанкоў павіншаваў кіраўніка дэлегацыі Азербайджана з паспяховым правядзеннем Гульняў дзяржаў СНД. 

Запрасіў калег далучыцца да III Мінскай канферэнцыі па еўразійскай бяспецы, якая адбудзецца ў сталіцы Беларусі 28–29 кастрычніка. 

На пасяджэнні СМЗС СНД разгледжана 16 пытанняў. Пасля ўхвалення СМЗС 11 дакументаў унесены для далейшага разгляду Саветам кіраўнікоў дзяржаў СНД, 3 дакументы – Саветам кіраўнікоў урадаў СНД. 

Бакі прынялі рашэнне правесці чарговае пасяджэнне Савета міністраў замежных спраў СНД 17 красавіка 2026 г. у г.Калінінградзе Расійскай Федэрацыі. 

Адбыўся цэлы шэраг кароткіх сустрэч кіраўніка МЗС Беларусі з кіраўнікамі знешнепалітычных ведамстваў дзяржаў – удзельніц СНД.

версія для друку