Аб прэзентацыі ў МЗС Беларусі англамоўнай рэдакцыі кнігі «Наш Прэзідэнт»

29 ліпеня 2026 г. у Міністэрстве замежных спраў Рэспублікі Беларусь адбылася прэзентацыя англамоўнай рэдакцыі дакументальна-біяграфічнай кнігі «Наш Прэзідэнт». Мерапрыемства стала цэнтральнай падзеяй штогадовага семінара кіраўнікоў дыпламатычных прадстаўніцтваў і консульскіх устаноў нашай краіны.

У прэзентацыі ўзялі ўдзел Міністр замежных спраў Рэспублікі Беларусь Максім Рыжанкоў, а таксама члены аўтарскага калектыву кнігі: Першы намеснік Кіраўніка Адміністрацыі Прэзідэнта Рэспублікі Беларусь Уладзімір Пярцоў, прэс-сакратар Прэзідэнта Рэспублікі Беларусь Наталля Эйсмант, дзяржаўны і грамадскі дзеяч Аляксандр Радзькоў, дырэктар выдавецтва «Беларусь», старшыня Саюза пісьменнікаў Беларусі Аляксандр Карлюкевіч.

Гасцямі сталі кіраўнікі беларускіх замежных устаноў, структурных падраздзяленняў цэнтральнага апарата і моладзевы актыў МЗС, прадстаўнікі дзяржаўных органаў, акадэмічнай і аналітычнай супольнасцей.

Адкрываючы мерапрыемства, М.Рыжанкоў ахарактарызаваў англамоўную рэдакцыю кнігі як сумленны і прамы адказ на жывы інтарэс за мяжой да Беларусі і яе шляху развіцця, неаддзельнага ад Прэзідэнта Рэспублікі Беларусь А.Р.Лукашэнкі – галоўнага дыпламата краіны. Выхад кнігі на англійскай мове адкрывае новыя магчымасці для прамой размовы з замежнай аўдыторыяй і дазваляе глыбей зразумець знешнепалітычны курс Беларусі, які фарміруецца пры непасрэдным удзеле Кіраўніка дзяржавы.

У сваю чаргу Н.Эйсмант адзначыла знакавы характар падзеі: прэзентаванае выданне стала першым афіцыйным праектам падобнага фармату пра нашую краіну і яе лідара, створаным для іншамоўнага чытача. Яна таксама падзялілася гісторыяй узнікнення задумы кнігі, распавёўшы, як зарадзілася ідэя і якім чынам аўтарскі калектыў працаваў над яе ўвасабленнем.

У.Пярцоў падрабязна спыніўся на практычнай каштоўнасці выдання для дыпламатычнай службы Беларусі. Ён выказаў упэўненасць, што для кіраўнікоў замежных устаноў і супрацоўнікаў МЗС гэтая кніга стане сапраўдным компасам і часцінкай дому, якія яны нясуць у сваёй паўсядзённай рабоце па прасоўванні праўды пра Беларусь.

версія для друку