Аб візіце намесніка Міністра замежных спраў Беларусі М.Барысевіча ў Егіпет
24 верасня 2021 г.
22 верасня 2021 г. у г.Каіры адбыўся шосты раўнд беларуска-егіпецкіх палітычных кансультацый паміж міністэрствамі замежных спраў Беларусі і Егіпта з удзелам намесніка Міністра замежных спраў Рэспублікі Беларусь Мікалая Барысевіча і намесніка Міністра замежных спраў Арабскай Рэспублікі Егіпет па справах Еўропы Бадра Абдэлаці.
У кансультацыях таксама ўдзельнічалі намеснікі міністраў турызму, унутранага гандлю і забеспячэння, адукацыі і навуковых даследаванняў Егіпта.
Бакі абмеркавалі ўвесь спектр пытанняў беларуска-егіпецкага парадку дня, а таксама рэгіянальную праблематыку.
Удзельнікі сустрэчы адзначылі станоўчую дынаміку і вынікі рэалізацыі канкрэтных праектаў прамысловай кааперацыі, абмеркавалі двухбаковыя крокі па развіцці кантактаў у галіне адукацыі, навукова-тэхнічнага і гуманітарнага супрацоўніцтва, удасканалення дагаворна-прававой базы.
Асаблівая ўвага была нададзена пытанням гандлёва-эканамічнага і крэдытна-інвестыцыйнага супрацоўніцтва дзвюх краін. Абмеркаваны парадак дня чарговага пасяджэння беларуска-егіпецкай міжурадавай камісіі, а таксама мадальнасці правядзення трэцяга Беларуска-Афрыканскага эканамічнага форуму.
Бакі падкрэслілі гатоўнасць да далейшага актыўнага супрацоўніцтва і ўзаемнай падтрымцы на міжнародных пляцоўках.
Падчас візіту ў г.Каір намеснік Міністра замежных спраў Беларусі таксама правёў сустрэчы з Першым намеснікам Міністра гандлю і прамысловасці Егіпта Ахмедам Магаўры Дзіябам, намеснікам Генеральнага сакратара Лігі арабскіх дзяржаў па палітычных пытаннях Халілем Ібрагімам аль-Завадзі, генеральным сакратаром Федэрацыі егіпецкіх гандлёвых палат Алаа Эзам, старшынёй егіпецкай часткі Беларуска-Егіпецкага дзелавога савета Ахмедам Келані, старшынёй Егіпецкага савета ўстойлівага развіцця Матазам Расланам, а таксама з прадстаўнікамі егіпецкага бізнесу.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by