Аб сустрэчы Пасла Беларусі Я.Вараб'ёва  з Блажэннейшым Патрыярхам Іерусалімскім Феафілам III

3 лютага 2025 г. Надзвычайны і Паўнамоцны Пасол Рэспублікі Беларусь у Дзяржаве Ізраіль Яўген Вараб'ёў з нагоды завяршэння дыпламатычнай місіі сустрэўся з Блажэннейшым Патрыярхам Іерусалімскім Феафілам III.

Пасол Беларусі падзякаваў Патрыярху Іерусалімскаму за яго ўнёсак ва ўмацаванне духоўных сувязей паміж Беларуссю і Святой Зямлёй, а таксама за падтрымку беларускіх паломнікаў і садзейнічанне ў арганізацыі ўдзелу прадстаўнікоў нашай краіны ў штогадовай цырымоніі сыходжання Благадатнага Агню ў Храме Гроба Гасподняга ў Іерусаліме.

Бакі абмяняліся думкамі аб актуальнай сітуацыі ў рэгіёне, адзначылі важнасць працягу канструктыўнага дыялогу і супрацоўніцтва ў гуманітарнай і духоўнай сферах. У гэтым кантэксце Феафіл III падкрэсліў, што на Святой Зямлі ўсе спадзяюцца на мір, моляцца за яго і працягваюць служэнне, акцэнтуючы важнасць духоўнага адзінства і згоды паміж народамі.

Патрыярх падзякаваў Паслу за ўвагу да пытанняў духоўнага супрацоўніцтва і яго ўнёсак у развіццё адносін паміж Беларуссю і Святой Зямлёй.

версія для друку