Аб удзеле Міністра замежных спраў Беларусі У.Макея ў 77-й сесіі Генеральнай Асамблеі ААН (трэці дзень)
24 верасня 2022 г.
23 верасня 2022 г. Міністр замежных спраў Беларусі Уладзімір Макей у рамках мерапрыемстваў тыдня высокага ўзроўню 77-й сесіі Генеральнай Асамблеі ААН прыняў удзел у цырымоніі падпісання Канвенцыі аб аблягчэнні ўмоў перасячэння граніц пры міжнароднай чыгуначнай перавозцы пасажыраў, багажу, таварабагажу, прынятай у г. Жэневе 22 лютага 2019 года. У адпаведнасці з артыкулам 21 Канвенцыі працэдура падпісання адбылася ў штаб-кватэры Арганізацыі Аб'яднаных Нацый у г. Нью-Йорку.
Да даведкі: Тэкст Канвенцыі аб аблягчэнні ўмоў перасячэння граніц пры міжнароднай чыгуначнай перавозцы пасажыраў, багажу, таварабагажу ўзгоднены Камітэтам па ўнутраным транспарце ЕЭК ААН і яе профільнымі рабочымі органамі, да кампетэнцыі якіх адносяцца пытанні чыгуначнага транспарту і спрашчэння перасячэння граніц. З 4 красавіка 2019 г. Канвенцыя адкрыта для падпісання ўсімі дзяржавамі-членамі Арганізацыі Аб'яднаных Нацый. Канвенцыя набудзе моц пасля заканчэння трох месяцаў з таго дня, калі першыя пяць дзяржаў здадуць на захоўванне свае дакументы аб ратыфікацыі, прыняцці, адабрэнні або далучэнні да яе.
Канвенцыя створыць прававую аснову для павышэння канкурэнтаздольнасці чыгуначных транспартных зносін у Еўразіі, у тым ліку для развіцця хуткасных і высакахуткасных зносін.
Кіраўніком беларускага знешнепалітычнага ведамства на палях сесіі ГА ААН таксама праведзены шэраг двухбаковых сустрэч.
З Міністрам замежных спраў Турцыі Меўлютам Чавушаглу абмяняліся думкамі адносна сітуацыі ў рэгіёне і канфлікту ва Украіне, пацвердзілі зацікаўленасць у яго мірным урэгуляванні.
Кіраўнік МЗС Турцыі станоўча ацаніў ролю Беларусі ў арганізацыі дыялогавай пляцоўкі для Расіі і Украіны. У сваю чаргу У.Макей адзначыў значны ўклад турэцкага боку ў заключэнне "здзелкі па збожжу", падпісанай у ліпені бягучага года ў Стамбуле.
Суразмоўцы разгледзелі пытанні далейшага ўзаемадзеяння ў гандлёва-эканамічнай сферы, у тым ліку з улікам санкцыйнага ціску на Беларусь з боку заходніх краін. Дамовіліся аб прадаўжэнні двухбаковых кантактаў на вышэйшым і высокім узроўнях.
Падчас сустрэчы з Міністрам замежных спраў і знешняга гандлю Венгрыі Петэрам Сіярта абмеркаваны стан і перспектывы двухбаковага супрацоўніцтва ў сферы фінансаў і сельскай гаспадаркі, узняты пытанні ўзаемадзеяння ў галіне фармацэўтыкі, адукацыі і транспартнага забеспячэння.
Закрануты праблемныя пытанні ўзаемадзеяння Беларусі і ЕС, сітуацыя ў рэгіёне Усходняй Еўропы і іншыя тэмы, якія маюць узаемную цікавасць.
Перагаворы з Міністрам замежных спраў Пакістана Білавалам Бхута Зардары прайшлі ў развіццё нядаўняй сустрэчы Прэзідэнта Рэспублікі Беларусь А.Р.Лукашэнкі з Прэм'ер-міністрам Пакістана Шахбазам Шарыфам на саміце Шанхайскай арганізацыі супрацоўніцтва ў г.Самаркандзе.
Кіраўнік МЗС Пакістана пацвердзіў гатоўнасць аказаць падтрымку Беларусі ў больш хуткім афармленні членства ў ШАС.
Суразмоўцы адзначылі ўзаемную зацікаўленасць у аператыўнай арганізацыі пасяджэння Беларуска-Пакістанскай камісіі па гандлёва-эканамічным супрацоўніцтве, што будзе садзейнічаць актывізацыі двухбаковага ўзаемадзеяння па розных напрамках. Дамовіліся аб абмене візітамі па лініі дзелавых колаў і гандлёва-прамысловых палат, абмеркавалі запланаваныя на бліжэйшы час афіцыйныя кантакты, закранулі іншыя тэмы, звязаныя з рэалізацыяй дасягнутых у г. Самаркандзе дамоўленасцей на вышэйшым узроўні.
На сустрэчы з Міністрам замежных спраў Нікарагуа Дэнісам Манкадай Каліндрэсам абмеркавалі пытанні ўзаемнай падтрымкі ў міжнародных арганізацыях, падкрэслілі важнасць каардынацыі намаганняў ва ўмовах супрацьстаяння санкцыйнаму націску. Дамовіліся аб працягу кантактаў, у тым ліку ў рамках двухбаковай камісіі па гандлёва-эканамічным супрацоўніцтве.
З Міністрам замежных спраў Бразіліі Карлусам Альберту Франка Франсам абмеркаваны пытанні развіцця гандлёва-эканамічнага супрацоўніцтва ў сферах, якія ўяўляюць узаемную цікавасць. Разгледжаны пытанні ўзаемадзеяння ў міжнародных арганізацыях.
Адбыўся абмен думкамі наконт канфлікту ва Украіне і перспектыў яго ўрэгулявання.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by