Памер шрыфта:

Прыярытэтныя накірункі знешняй палітыкі Рэспублікі Беларусь

Прытрымліваючыся адзіных падыходаў да развіцця адносін з усімі замежнымі партнёрамі на аснове раўнапраўнага і ўзаемапаважлівага дыялогу, Беларусь у той жа час, як і любая іншая дзяржава, канцэнтруе свае знешнепалітычныя намаганні на шэрагу найбольш важных і перспектыўных вектараў.

Сярод іх – перш за ўсё Расійская Федэрацыя, стратэгічнае саюзніцкае ўзаемадзеянне з якой будуецца на аснове Дагавора аб стварэнні Саюзнай дзяржавы Беларусі і Расіі.

Адносіны ўсепагоднага і ўсебаковага стратэгічнага партнёрства развіваюцца з Кітайскай Народнай Рэспублікай.

Паслядоўна адстойваючы ідэі інтэграцыі, Беларусь займае актыўную і канструктыўную пазіцыю ў аб'яднальных утварэннях на постсавецкай прасторы – Еўразійскім эканамічным саюзе, Садружнасці Незалежных Дзяржаў, Арганізацыі Дагавора аб калектыўнай бяспецы.

Завершаны ўнутрыдзяржаўныя працэдуры ў рамках абавязацельстваў Беларусі для атрымання статусу дзяржавы – члена Шанхайскай арганізацыі супрацоўніцтва.

Беларусь падала афіцыйную заяўку на далучэнне да фармату БРІКС у якасці ўдзельніка.

На якасна новы ўзровень выходзіць узаемадзеянне з краінамі «далёкай дугі» беларускай знешняй палітыкі – Азіі, Афрыкі і Лацінскай Амерыкі.

На фоне беспрэцэдэнтнага палітычнага і эканамічнага ціску Еўрапейскага саюзу, ЗША і іншых краін Захада на Беларусь адносіны з імі трансфармаваліся з партнёрскіх і ўзаемавыгадных у жорсткае супрацьстаянне. Разам з тым, Беларусь застаецца адкрытай да дыялогу з заходнімі краінамі с мэтай выхаду на пазітыўную траектрыю супрацоўніцтва, у першую чаргу ў таргова-эканамічнай і інвестіцыйнай галінах.

Важным напрамкам знешнепалітычнай актыўнасці Беларусі з'яўляецца шматбаковая дыпламатыя. Наша краіна імкнецца ўнесці свой уклад у вырашэнне глабальных праблем, процідзеянне сучасным выклікам і пагрозам, традыцыйна актыўна ўдзельнічае ў дзейнасці ААН і іншых міжнародных арганізацый, генеруе падыходы і ініцыятывы, якія прапануюць аб'яднальны для ўсіх членаў міжнароднай супольнасці парадак дня, а таксама садзейнічаюць дыялогу і пераадоленню раздзяляльных ліній.

Дыпмісіі Беларусі за мяжой

Усе дыпмісіі Замежныя дыпмісіі ў Беларусі
Перайсці

Відэа МЗС

Aрхіў

Афіцыйныя інтэрнэт-рэсурсы