13 ліпеня 2021 г. Міністр замежных спраў Рэспублікі Беларусь Уладзімір Макей прыняў удзел у сустрэчы міністраў замежных спраў дзяржаў-удзельніц Руху недалучэння, якая прайшла пад старшынствам Азербайджана ў відэафармаце па тэме “Рух недалучэння ў цэнтры шматбаковых намаганняў у адказ на глабальныя выклікі”.
У сваім выступленні кіраўнік знешнепалітычнага ведамства Беларусі адзначыў, што Рух недалучэння, які аб'ядноўвае большасць краін-членаў ААН, адыгрывае важную ролю на міжнароднай арэне ў пабудове больш справядлівага, бяспечнага і ўстойлівага міру.
Міністр замежных спраў падкрэсліў, што Рух недалучэння валодае неабходным патэнцыялам для выпрацоўкі сумесных мер у адказ на глабальныя выклікі сучаснай эпохі, да ліку якіх адносяцца аднабаковыя прымусовыя меры з боку асобных дзяржаў у дачыненні да іншых суверэнных краін.
У.Макей вітаў намаганні дзяржаў-удзельніц Руху, нацэленыя на непрыманне незаконных аднабаковых палітычных і эканамічных санкцый у дачыненні да суверэнных дзяржаў, і выступіў за неабходнасць актывізацыі сумеснага процідзеяння такім дэструктыўным дзеянням, якія з'яўляюцца парушэннем міжнароднага права і перашкаджаюць устойліваму развіццю дзяржаў.
Падчас мерапрыемства прынята палітычная дэкларацыя дзяржаў– удзельніц Руху недалучэння.