9 чэрвеня 2021 г. у г.Маскве (Расія) на палях Беларуска-Азіяцкага форуму намеснік Міністра замежных спраў Рэспублікі Беларусь Мікалай Барысевіч правёў шэраг двухбаковых сустрэч.
Падчас размовы з Надзвычайным і Паўнамоцным Паслом Рэспублікі Інданезія ў Рэспубліцы Беларусь (па сумяшчальніцтве) Хасэ Антоніа Марата Таварэс абмеркаваны актуальныя пытанні двухбаковага парадку дня, узаемадзеянне ў міжнародных арганізацыях.
Асаблівая ўвага нададзена пытанням актывізацыі двухбаковага супрацоўніцтва ў палітычнай і гандлёва-эканамічнай сферах, у тым ліку праз існуючыя інстытуцыйныя механізмы ўзаемадзеяння.
З Надзвычайным і Паўнамоцным Паслом Каралеўства Камбоджа ў Рэспубліцы Беларусь (па сумяшчальніцтве) Сейлам Еатам адбыўся абмен думкамі аб стане і перспектывах супрацоўніцтва паміж Беларуссю і Камбоджай, у тым ліку, ва ўмовах аднаўлення міжнароднай эканомікі ад наступстваў пандэміі каронавіруснай інфекцыі.
М.Барысевіч падрабязна спыніўся на магчымасцях нарошчвання гандлёва-эканамічнага ўзаемадзеяння паміж дзвюма краінамі ў сферах машынабудавання, сельскай гаспадаркі, інфармацыйна-камунікацыйных тэхналогій.
Падчас працоўнай сустрэчы з намеснікам Міністра замежных спраў Расіі Ігарам Маргулавым абмеркаваны працэсы, якія адбываюцца ў Азіяцка-Ціхаакіянскім рэгіёне, а таксама перспектывы ўзаемадзеяння з асноўнымі партнёрамі ў кантэксце інтарэсаў Беларусі і Расіі.