Аб перамовах Міністра замежных спраў Беларусі С.Алейніка з Міністрам замежных спраў Уганды

17 мая 2023 г. Міністр замежных спраў Рэспублікі Беларусь Сяргей Алейнік правёў у г.Маскве сустрэчу з Міністрам замежных спраў Уганды Джэджэ Абубакер Адонга.

Абмеркаваны шырокі спектр напрамкаў двухбаковага супрацоўніцтва з акцэнтам на перспектыўныя магчымасці ў галіне сельскай гаспадаркі, фармацэўтыкі, інфармацыйных тэхналогій, адукацыі.

У ходзе перагавораў разгледжаны пытанні развіцця дагаворна-прававой базы двухбаковага ўзаемадзеяння. Дасягнута дамоўленасць аб паскораным разглядзе праектаў пагадненняў па супрацоўніцтве паміж міністэрствамі замежных спраў, адукацыі, сельскай гаспадаркі, Беларускай гандлёва-прамысловай палатай і Нацыянальнай гандлёва-прамысловай палатай Уганды.

"У нас ёсць што прапанаваць па ўсіх без выключэння напрамках, і мы маем намер развіваць супрацоўніцтва ва ўсіх гэтых галінах", – падкрэсліў С.Алейнік.

Міністр замежных спраў Беларусі запрасіў дэлегацыю Уганды наведаць запланаваную на 6-11 чэрвеня сельскагаспадарчую выставу "Белагра-2023".

С.Алейнік зазначыў, што «сёння Афрыка перажывае рэнесанс. І мы дакладна адчуваем патрэбнасці краін гэтага рэгіёну ў нашай тэхніцы, нашых тэхналогіях і кампетэнцыях. Натуральна, мы маем намер актыўна развіваць гэты вектар нашага супрацоўніцтва, таму што сёння Афрыка - відавочны пояс і відавочная апора шматпалярнага свету».

версія для друку