Аб пасяджэнні калегіі Міністэрства замежных спраў Беларусі па разглядзе вынікаў работы ў 2025 годзе

11 сакавіка 2026 г.

11 сакавіка 2026 г. адбылося пасяджэнне калегіі МЗС Беларусі «Аб выніках работы Міністэрства замежных спраў Рэспублікі Беларусь у 2025 годзе».

У пасяджэнні ўзяў удзел Прэм'ер-міністр Рэспублікі Беларусь Аляксандр Турчын.

З асноўным дакладам на пасяджэнні калегіі беларускага знешнепалітычнага ведамства выступіў Міністр замежных спраў Рэспублікі Беларусь Максім Рыжанкоў.

Кіраўнікі беларускіх дыпламатычных прадстаўніцтваў ва Узбекістане Аляксандр Агароднікаў і ў Індыі Міхаіл Касько выступілі з дакладамі пра вынікі работы па актывізацыі гандлёва-эканамічнага супрацоўніцтва з краінамі акрэдытацыі. У пасяджэнні таксама ўзяў удзел Пасол Беларусі ў Расіі Юрый Селівёрстаў.

На выніковае пасяджэнне калегіі МЗС Беларусі былі запрошаны кіраўніцтва Нацыянальнага статыстычнага камітэта Рэспублікі Беларусь, галіновых рэспубліканскіх органаў дзяржаўнага кіравання, канцэрнаў, Нацыянальнага агенцтва па турызме, абласных выканаўчых камітэтаў і Мінгарвыканкама, прадпрыемстваў, прадстаўнікі Адміністрацыі Прэзідэнта Рэспублікі Беларусь і Нацыянальнага банка Рэспублікі Беларусь.

Адбылася канструктыўная размова пра вынікі знешнеэканамічнай дзейнасці ў разрэзе галін беларускай эканомікі, а таксама па краінах і рэгіёнах летась і перспектыўныя напрамкі гандлёва-эканамічнага супрацоўніцтва з замежнымі партнёрамі ў 2026 годзе.