Аб сустрэчы Пасла Беларусі С.Цярэнцьева з намеснікам Міністра замежных спраў Егіпта

26 кастрычніка 2021 г. адбылася сустрэча Надзвычайнага і Паўнамоцнага Пасла Рэспублікі Беларусь у Арабскай Рэспубліцы Егіпет Сяргея Цярэнцьева з намеснікам Міністра замежных спраў Егіпта па справах Еўропы Бадрам Абдэлаці.

У рамках сустрэчы бакі абмеркавалі падрыхтоўку 7-га пасяджэння Беларуска-Егіпецкай гандлёвай камісіі. Таксама былі закрануты пытанні ўзаемадзеяння ў галіне паветраных зносін.

Адбыўся абмен думкамі аб планах сумесных мерапрыемстваў на наступны год, у тым ліку правядзенне першага пасяджэння Камісіі па пытаннях палітычнага дыялогу і двухбаковага супрацоўніцтва на ўзроўні кіраўнікоў знешнепалітычных ведамстваў Беларусі і Егіпта, а таксама культурных мерапрыемстваў, прымеркаваных да 30-годдзя ўстанаўлення дыпламатычных адносін паміж дзвюма краінамі.

Суразмоўцы адзначылі важнасць эфектыўнай працы дзеючых механізмаў міждзяржаўнага ўзаемадзеяння для развіцця ўсяго комплексу беларуска-егіпецкіх адносін.

версія для друку