Аб удзеле намесніка Міністра замежных спраў Беларусі С.Алейніка ў сустрэчы кіраўнікоў урадаў дзяржаў-членаў ЦЕІ
03 снежня 2021 г.
2-3 снежня 2021 г. беларуская дэлегацыя пад кіраўніцтвам намесніка Міністра замежных спраў Рэспублікі Беларусь Сяргея Алейніка прыняла ўдзел у сустрэчы кіраўнікоў урадаў дзяржаў-членаў Цэнтральна-Еўрапейскай Ініцыятывы (ЦЕІ) у г.Будва (Чарнагорыя).
Падчас пленарнай сесіі саміту С.Алейнік выступіў за далейшае ўмацаванне ролі ЦЕІ як пляцоўкі для дыялогу і развіцця рэгіянальнага супрацоўніцтва, пашырэнне кантактаў паміж краінамі-членамі праз умацаванне транспартных сувязяў, гарманізацыю гандлёвых працэдур, спрашчэнне транзіту, а таксама прасоўванне энергетычнай і лічбавай узаемазвязанасці.
Намеснік Міністра замежных спраў заклікаў узмацніць эканамічнае вымярэнне ЦЕІ, развіваць партнёрства з іншымі міжнароднымі арганізацыямі. Падкрэслена важная роля, якую Ініцыятыва магла б сыграць у спалучэнні інтэграцыйных працэсаў на еўрапейскім кантыненце. Адзначана таксама неабходнасць нарошчвання супрацоўніцтва ў галіне навукі і тэхналогій.
Кіраўнік беларускай дэлегацыі акцэнтаваў важнасць развіцця Еўропы пасля пандэміі COVID-19 на прынцыпах недыскрымінацыі, роўных магчымасцей для ўсіх дзяржаў, павагі іх суверэнітэту і незалежнасці, адмовы ад раздзялення штучнымі сценамі і бар'ерамі, пазбаўлення ад рудыментарных метадаў націску на іншых, такіх як санкцыі і абмежаванні, якія супярэчаць міжнароднаму праву. Падкрэслена, што такія меры, асабліва эканамічнага характару, парушаюць права дзяржаў і народаў на развіццё, а таксама пашыраюць разрыў паміж краінамі Захаду і Усходу. Акцэнтавана патэнцыйна важная роля ЦЕІ ў стабілізацыі сітуацыі, наладжванні «мастоў» і ўмацаванні даверу паміж краінамі вялікай Еўропы.
Падчас саміту адбылася сустрэча кіраўніка беларускай дэлегацыі з Генеральным сакратаром ЦЕІ Раберта Антаніёні, на якой бакі абмеркавалі перспектывы супрацоўніцтва Беларусі і ЦЕІ.
С.Алейнік таксама правёў сустрэчу з дырэктарам Еўрапейскага рэгіянальнага бюро Сусветнай арганізацыі аховы здароўя Хансам Клюге, на якой былі абмеркаваны практычныя пытанні ўзаемадзеяння Беларусі і СААЗ.
Акрамя таго, “на палях" саміту адбыліся двухбаковыя сустрэчы С.Алейніка з кіраўнікамі замежных дэлегацый.
Да даведкі. ЦЕІ – міждзяржаўнае аб'яднанне, створанае ў 1989 годзе ў мэтах развіцця рэгіянальнага супрацоўніцтва. У цяперашні час у склад ЦЕІ ўваходзяць 17 дзяржаў: Албанія, Беларусь, Балгарыя, Боснія і Герцагавіна, Венгрыя, Італія, Малдова, Польшча, Румынія, Паўночная Македонія, Сербія, Славакія, Славенія, Украіна, Харватыя, Чарнагорыя, Чэхія. Беларусь з'яўляецца членам ЦЕІ з 1996 года.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by