Аб вяртанні беларускіх грамадзян з Катара

У гэты момант спецыяльны рэйс авіякампаніі «Белавія» накіроўваецца з Дохі ў Мінск з беларускімі турыстамі на борце.

Ва ўмовах дзейных абмежаванняў на авіязносіны беларускі бок правёў інтэнсіўныя перамовы з кампетэнтнымі органамі Дзяржавы Катар. Вынікам сумесных намаганняў Міністэрства замежных спраў Беларусі, Пасольства Беларусі ў Катары і авіякампаніі «Белавія» стала атрыманне дазволу на выкананне рэйса нацыянальным перавозчыкам. «Белавія» – першая замежная авіякампанія, якой катарскі бок даў такую магчымасць для вывазу турыстаў.

Для прыёму беларускага паветранага судна аэрапорт «Хамад» быў часова адкрыты, былі задзейнічаны ўсе неабходныя службы, уключаючы забеспячэнне дадатковых мер бяспекі.

Міністэрства замежных спраў выказвае ўдзячнасць кампетэнтным органам Дзяржавы Катар – Міністэрству замежных спраў, Міністэрству абароны, Міністэрству ўнутраных спраў, Дэпартаменту грамадзянскай авіяцыі і іншым ведамствам – за садзейнічанне і сумесную працу па арганізацыі вылету беларускіх грамадзян.

Прыбыццё рэйса ў Мінск чакаецца найбліжэйшым часам.

версія для друку