Аб памятным мерапрыемстве ў мемарыяльным комплексе «Хатынь»
22 сакавіка 2023 г.
22 сакавіка 2023 г. у 80-я ўгодкі трагедыі Хатыні Міністр замежных спраў Рэспублікі Беларусь Сяргей Алейнік разам з супрацоўнікамі знешнепалітычнага ведамства і кіраўнікамі дыпламатычных місій і міжнародных арганізацый, акрэдытаваных у нашай краіне, наведаў мемарыяльны комплекс ”Хатынь“, каб сумесна аддаць даніну трагічным падзеям у гісторыі беларускай дзяржавы.
Як падкрэсліў С.Алейнік, Хатынь з'яўляецца для Беларусі сімвалам гістарычнай памяці і месцам агульнанацыянальнага смутку. Гітлераўскія карнікі спалілі жыўцом і расстралялі 149 чалавек, у ліку якіх было 75 дзяцей. Створаны на месцы трагедыі мемарыяльны комплекс стаў увасабленнем ахвяр, пакут і мужнасці беларусаў у гады Вялікай Айчыннай вайны.
Хатынь не была адзінай, яе лёс падзялілі сотні іншых беларускіх вёсак. Шмат такіх трагічных мясцін не толькі ў Беларусі, але і на тэрыторыі былых савецкіх рэспублік і еўрапейскіх дзяржаў.
”…Сёння званы Хатыні гучаць асабліва трывожна, нібы нагадваючы сусветным лідэрам пра тую трагедыю, якая адбылася 80 гадоў таму. Гэтыя званы гучаць нібы заклік спыніцца і яшчэ раз асэнсавана задумацца аб трагічных уроках нашага мінулага. Мы спадзяемся, што гэтыя заклікі будуць пачутыя“, – падкрэсліў у размове з журналістамі С.Алейнік.
У ходзе наведвання мемарыяльнага комплексу адбылася цырымонія ўскладання вянкоў да Вечнага агню, наведванне дыпламатычным корпусам да музея ”Кожны трэцi“.
У памятным мерапрыемстве прынялі ўдзел больш за 50 кіраўнікоў замежных дыпмісій з краін СНД, Еўропы, Азіі, Афрыкі і Амерыкі, прадстаўнікі шэрага міжнародных арганізацый.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by