Аб удзеле намесніка Міністра замежных спраў Рэспублікі Беларусь Ю.Амбразевіча ў Еўразійскім эканамічным форуме
26 мая 2022 г.
26 мая 2022 г. намеснік Міністра замежных спраў Рэспублікі Беларусь Юрый Амбразевіч прыняў анлайн-удзел у Еўразійскім эканамічным форуме, які праходзіць у Бішкеку.
Ю.Амбразевіч выступіў у якасці спікера на панэльнай дыскусіі "Узаемадзеянне ЕАЭС з перспектыўнымі партнёрамі: узаемавыгаднае супрацоўніцтва ў Вялікай Еўразіі".
У сваім выступленні намеснік Міністра адзначыў стратэгічную зацікаўленасць Беларусі ў фарміраванні шматпалярнага светаўладкавання ўзамен цяперашняй аднавектарнай глабалізацыі. Апошняя кансервуе дамінаванне калектыўнага Захаду ў планетарным маштабе, прадвызначае такім чынам немагчымасць адыходу ад няроўнасці ў магчымасцях развіцця краін «залатога мільярда» і свету, які развіваецца і, адпаведна, поўнага пераадолення разрыву ва ўзроўнях развіцця.
Канцэпцыя макрарэгіёнаў або шматпалярнага свету ў процівагу глабалізацыі заклікана больш эфектыўна вырашыць праблему справядлівага размеркавання рэсурсаў і даходаў паміж краінамі і забяспечыць інклюзіўнае ўцягванне ўсіх без выключэння людзей у эфектыўнае развіццё.
Ю.Амбразевіч назваў асноўныя якасці, якія дазволяць макрарэгіёнам стаць дзейснай альтэрнатывай цяперашняй глабалізацыі: арыентацыя на самадастатковасць і больш высокая ўстойлівасць эканомікі да знешніх шокаў, эфектыўная кіравальнасць на базе моцных дзяржаў і іх сацыяльная арыентацыя, сінэргічны эфект ад узаемадапаўняльнасці, перш за ўсё, у прамысловай кааперацыі.
Намеснік Міністра падкрэсліў, што ЕАЭС мае ўсе шанцы стаць адным з макрарэгіёнаў пры ўмове, што члены будуць адзіныя ў адказе на знешнія шокі і ў разуменні важнасці стварэння паўнацэнных рэгіянальных ланцужкоў вытворчасці.
Ю.Амбразевіч выказаў меркаванне, што ўзаемадзеянне ў рамках БРІКС можа стаць правобразам механізмаў "інтэграцыі інтэграцый" – узаемадзеяння паміж макрарэгіёнамі на аснове раўнапраўя ігракоў і вынікаючага з гэтага прынцыпу адмовы ад умяшання ва ўнутраныя справы, а таксама заклікаў ЕАЭС працягваць лідзіраваць у ААН у прасоўванні тэмы "інтэграцыі інтэграцый".
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by