Аб правядзенні намеснікам Міністра замежных спраў Беларусі І.Сякрэтам брыфінгу па тэматыцы ўзаемадзеяння з Міжнароднай арганізацыяй працы

21 мая 2026 г. намеснік Міністра замежных спраў Рэспублікі Беларусь Ігар Сякрэта правёў брыфінг для акрэдытаваных у краіне прадстаўнікоў дыпламатычнага корпусу па тэматыцы ўзаемадзеяння з Міжнароднай арганізацыяй працы (МАП).

І.Сякрэта надаў асаблівую ўвагу стану супрацоўніцтва з гэтай арганізацыяй ва ўмовах незаконнага санкцыйнага ціску на Беларусь.

Намеснік кіраўніка знешнепалітычнага ведамства праінфармаваў пра праведзеную Урадам Беларусі работу па выкананні рэкамендацый Камісіі па расследаванні, вынікі якой атрымалі станоўчую ацэнку МАП і сведчылі пра гатоўнасць беларускага боку да канструктыўнага супрацоўніцтва. 

Удзельнікам брыфінгу даведзена пазіцыя беларускага боку адносна прымянення да Беларусі артыкула 33 Статута МАП, акцэнтавана неабходнасць адмены гэтага рашэння як несправядлівага і палітычна матываванага.

Намеснік Міністра адзначыў, што любыя заключэнні і рэкамендацыі органаў МАП павінны грунтавацца на дакладных фактах, не могуць выходзіць за рамкі кампетэнцыі арганізацыі і з'яўляцца ўмяшаннем ва ўнутраныя справы дзяржавы.

Падкрэслена, што любая дзяржава – член МАП мае права быць пачутай, а палітыка ізаляцыі непазбежна вядзе да падрыву аўтарытэту і размывання прынцыпаў арганізацыі.

версія для друку