Аб беларуска-расійскіх кансультацыях паміж МЗС па тэмах распрацоўкі Еўразійскай хартыі разнастайнасці і шматпалярнасці ў XXI стагоддзі і будаўніцтва еўразійскай бяспекі

6 лютага 2025 г. намеснік Міністра замежных спраў Рэспублікі Беларусь Юрый Амбразевіч сустрэўся з дырэктарам Дэпартамента знешнепалітычнага планавання МЗС Расіі Аляксеем Драбініным «на палях» кансультацый паміж Міністэрствам замежных спраў Рэспублікі Беларусь і Міністэрствам замежных спраў Расійскай Федэрацыі па тэмах распрацоўкі Еўразійскай хартыі разнастайнасці і шматпалярнасці ў XXI стагоддзі і будаўніцтва еўразійскай бяспекі, якія прадугледжаны планам сумесных кансультацый паміж міністэрствамі замежных спраў дзвюх краін.

Ю.Амбразевіч адзначыў высокі ўзровень узаемадзеяння Беларусі і Расіі ў прасоўванні беларускай ініцыятывы, у прыватнасці, сумесную работу па распаўсюджванню ў еўразійскіх сталіцах і штаб-кватэрах рэгіянальных арганізацый дакумента пад назвай «Сумеснае бачанне Еўразійскай хартыі разнастайнасці і шматпалярнасці ў XXI стагоддзі», які быў падпісаны Міністрамі замежных спраў Беларусі і Расіі на сумеснай калегіі МЗС Беларусі і МЗС Расіі ў г.Брэсце 22 лістапада 2024 г.

Падчас кансультацый бакі падвялі вынікі сумеснай працы па прасоўванню ідэі Еўразійскай хартыі, праведзенай пасля Другой Мінскай міжнароднай канферэнцыі па еўразійскай бяспецы (кастрычнік 2024 г.), і ўзгаднілі далейшыя крокі па арганізацыі перамоўнага працэсу па распрацоўцы Хартыі.

Падчас кансультацый беларуская і расійская дэлегацыі таксама абмеркавалі перспектывы правядзення Трэцяй Мінскай міжнароднай канферэнцыі па еўразійскай бяспецы.

версія для друку